SECTIONS
Friday , May 25, 2018
BACOLOD

2 gipamusil, 1 patay

DUHA ka mga tawo ang gipamusil kagahapon, usa kanila namatay, sa ma­naglahing mga dapit sa dakbayan sa Sugbo.

Unang gipusil pasado ala una kagahapon sa ka­adlawon ang usa ka giingong sakop og gang sa sityo Baka, Barangay Apas.

Ang namatay sa samad pinusilan sa dughan giilang mao si Hermes Bacasmas, 27, nagpuyo sa maong lugar.

Sa pasiuna nga imbestigasyon nga gihimo nila ni SPO4 Alex Dacua ug mga kauban, nag­lakaw ang biktima pai­ngon sa ilang balay gikan nga nisuroy.

Usa ka wa hiilhing tawo ang nagpahipi sa ngitngit ug mitawag sa biktima og “Tata.”

Nilingi ang biktima sa pagtuo nga iyang kaila ang nisangpit kaniya, apan gikalitan siya sa pagpusil tumong sa dughan.

Ang wa hiilhing tawo nidagan ug nisakay sa naghuwat nga motorsiklo sa unahan.

Ang biktima bisan kon naigo, nakahimo pa sa pagdagan, apan nahagba sa unahan.

Dugang nasayran sa kapulisan nga usa ka sakop sa gang ang biktima, apan ilang subayon kon wa ba kini gikabangi sa wa pa ang maong hitabo.

Samtang ang biktima daling gidala sa mga sakop sa Emergency Rescue Unit Foundation (ERUF), apan wa magdugay pag-abot sa tambalanan gidik­larar nga patay.

Ikaduhang gipusil mao ang usa ka pumpboy, apan gibunalan una siya og tubo sa wa pa gipusil pasado alas 6 kagahapon sa buntag sa dalan Sepulveda, Barangay Zapatera.

Gibadlong ang suspek sa iyang pagpanglimpyo nga maoy gitumbok nga sinugdanan sa away.

Nadangat sa tambalanan ang biktimang giilang si Serafin Estrellanes, 27, taga dalan Rahman, Barangay Zapatera.

Ang suspek nga maoy giingong nibunal giilang si Cris Magallon samtang ang nipusil wa hiilhing tawo nga kauban ni Magallon.

Sa pasiuna nga imbestigasyon sa mga sakop sa Homicide Section nagbutyag nga ang biktima misakay sa taxi nga gimaniho sa iyang uyoan nga si “Welme”, uban sa iyang igsuon nga si “Clint”, paingon na nga mopauli.


VIEW COMMENTS