SECTIONS
Thursday , June 21, 2018

Taxi driver gikulata sulod sa sakyanan

NAPUNO sa bun-og ang usa ka taxi driver human gikulata sa upat ka mga wala mailang suspetsado mga alas 10 sa gabii niadtong Miyerkules, Nobyembre 8, sa Zone-1, Upper Balulang, dakbayan sa Cagayan de Oro.

Nagreklamo si Enerio Salo, 48, minyo, usa ka taxi driver ug residente sa Lower Dulawon, Lumbia ning dakbayan.

Sa impormasiyon nga nahipos gikan sa kapolisan sa Police Station 4 (PS4) sa Carmen, gikabutyag nga nidangop si Salo sa mga otoridad human gi-atangan ang agianan niini samtang nagmaneho sa taxi sa wala mailang suspek ginamit ang Hilux pick up nga kolor orange ug gi kulata kini sulod mismo sa taxi ug giingnan nga “Gahi kaayo ka ha”.

Human nga gikulata gisipa pa ang taxi niini sa makadaghang higayon hinungdan nga naguba ang windshield, pultahan ug ubang parte sa sakyanan.

Giingon usab sa pipila sa mga residente sa dapit nga usa sa mga suspek naila nga si Col. Vikoy, usa ka retirado ug PUJ Taxi operator.

Sa pagsulat niini nga balita, ang insidente ang nakatala na sa nahisgutang buhatan sa kapolisan.


VIEW COMMENTS