SECTIONS
Sunday , June 24, 2018

Bag-ong Tuig sa Davao City 'malinawon'

NAGMALINAWON sa kinatibuk-an ang Davao City sa pagsugat sa Bag-ong Tuig, diin walay mga natala nga dagkong panghitabo sa kuwerpo sa kapulisan.

Kini ang gibutyag ni Davao City Police Office (DCPO) director Alexander Tagum atol sa assessment program sa ilang physical accounting sa mga personahe sa security deployment sa New Year's Eve sa DCPO kagahapon.

"No casualty caused by firecracker injury per information from SPMC's outgoing and incoming duty and no illegal discharge of firearms was recorded in all police stations," sulti ni Senior Superintendent Tagum.

Apan dunay unom ka hamtong ang gipangdakop human milapas sa Firecracker Ordinance sa Davao City samtang duna say upat ka menor de edad ang na-rescue sa samang kalapasan.

Duha sa unom ka hamtong nasikop sa Talomo Police Station, usa sa Calinan PNP, samtang duha nasikop sa Buhangin PNP ug usa sa Bunawan PNP.

Tulo ka menor de edad sab ang na-rescue sa Women and Children's Protection Desk (WCPD) sa Bunawan PNP samtang usa sa Paquibato PNP.

Bisan pa man dunay misupak, nagpasalamat gihapon ang DCPO sa katawhan sa Davao City nga mitamod sa mga regulasyon ug balaod sa siyudad ingon ug alang sa kaluwasan ug seguridad sa Dabawenyo.


VIEW COMMENTS