SECTIONS
Monday , June 25, 2018

Yabag mokanta gidunggab

NAGPABILIN sa balay tambalanan ang usa ka 35-anyos nga lalaki human gidunggab sa iyang silingan kinsa gialingugngugan na sa yabag niini nga tingog samtang nagkanta sa videoke.

Ang insidente nahitabo alas 8:40 sa buntag, Enero 1, 2018, didto sa Barangay Bago Oshiro, Tugbok District, siyudad sa Davao.

Giingong nalabdan na'g ulo ang mga silingan nga naminaw sa walay hunong nga kanta sa biktima nga si Narciso (bansagon gitago), diin gawas sa walay hunong iyang pag-videoke, yabag pa kini og tingog.

Daling giduol sa suspek nga si Jim Paul Gabato ang biktima dayon gihansakan og kutsilyo hinungdan nga nakahiagom kini og samad sa kalawasan.

Human sa hitabo, daling misibat ang suspek diin ang kapulisan naghimo na og manhunt operation batok kaniya.


VIEW COMMENTS