SECTIONS
Wednesday , April 25, 2018

Lola gipusil, patay; 4 anyos nga apo kritikal

NAMATAY ang 53-anyos nga lola samtang kritikal ang iyang apo human sila gipamusil sa tulo ka mga tawo nga nagmotorsiklo niadtong Martes sa hapon sa Brgy. Liburon, dakbayan sa Carcar.

Si Augustina Espinosa, biyuda patay tungod sa mga samad pinusilan samtang grabi ang iyang apo nga si Kevin, 4.

Wa pa mailhi sa kapulisan ang 3 ka lalaki nga nagsakay sa duha ka mga motorsiklo.

Sa imbestigasyon nila ni SPO2 Meliton Agadier ug mga kauban, nasuta nga si Espinosa diha sa terrace sa ilang balay uban sa apo dihang naabot ang mga killer.

Ang usa nga angkas nika­naog, gipusil sa makadag­han si Espinosa, kinsa dead on arrival sa tambalanan samtang ang apo nga kritikal gidala sa usa ka tambalanan sa dakba­yan sa Sugbo. (GPL)


VIEW COMMENTS