SECTIONS
Tuesday , June 26, 2018

12 ka pulis sa Talisay girelibuhan

DOSE ka mga pulis nga mga sakop sa Talisay police girelibuhan kay namauli bisan on-duty sa pagsugat sa Bag-ong Tuig.

Nasuko si Sr. Supt. Edgar Allan Okubo, direktor sa CPPO, human siya maoy nasurprisa sa iyang surprise inspection niadtong Sabado (Disyembre 30) sa hapon dihang pipila lang ka mga pulis ang nagtikawtikaw sa Talisay Police Station kay sagad namauli bisag duty sila para para magbantay sa seguridad sa pagsugod sa Bag-ong Tuig hulip sa mga pulis nga nag Christmas break.

Si Supt.Jaime Quicho, Jr., deputy provincial director for administration (DPDA) sa CPPO nga nahinabi sa Superbalita Cebu, niingon nga si Okubo nasagmuyo sa gipakitang taras sa mga personnel sa Talisay Police.

Si Okubo nilibot sa mga police station sa Probinsya sa Sugbo aron masiguro ang pagpatuman sa seguridad.

Apan sa iyang pag-abot u­­­ban sa iyang staff, pipila lang ka mga pulis ang duty bisan full alert unta.

Way mga police nga maoy gitahasan sa beat patrol nga magbantay sa kadalanan ug ubang pulis sa mga dapit nga dunay sagad kremin nga mahitabo.

Hinuon wa ang hepe sa Ta­lisay police nga si Supt. Jason Villamater sanglit nipahimus kini sa Chrismas break.

Ang nahibilin ang mga non-commission officers.

Nasuta nga gitunga ang 80 ka personnel ngadto sa 40 nga maoy mo-duty sa Bag-ong Tuig hulip sa 40 nga duty sa Pasko.

Si Quicho nipasabot nga gipatawag gilayon ni Okubo kadtong mga pulis nga duty pero nanguli.

Nasagmuyo si Okubo kay naabtan siyag alas 7:00 na sa gabii wa makabalik ang 12 ka mga pulis nga duty unta.

“Pinatawag silang lahat na bumalik sa police station kasi hinahanap sila ni PD pero ang iba, umuuwi na. Supposedly hindi pwede kasi duty sila,” dugang ni Quicho. (GPL)


VIEW COMMENTS