SECTIONS
Tuesday , June 26, 2018

Knicks giirok

MIHIMO si LaMarcus Aldridge og 29 puntos, Kawhi Leonard dunay season-high 25 aron mairok sa San Antonio Spurs ang New York Knicks, 100-91, kagahapong adlawa aron mahatag kang Gregg Popovich ang nag-inusara posisyon sa ikalima puwesto sa listahan nga "NBA's coaching wins."

Si Manu Ginobili mitapos og 12 puntos, tulo niini gikan sa gipasa nga gipuntos nga wa nabantayan.

Samtang si Popovich dunay 1,176 daug gikan tanan sa Spurs. Ang five-time champion mibuak sa tabla sa iyang higala si George Karl.

Gipildi sa Spurs ang Knicks sa ikaduhang higayon sa unom ka adlaw ug midaug sa ikaupat higayon sa lima ka duwa.

Gipalukapa nila ang New York, 119-107 niadtong Disyembre 29.

Milabay si Michael Beasley og 18 puntos alang sa Knicks, kinsa miduwa kausa sa upat ka panagtigi sa ilang balwarte karong bulana.

Si Kristaps Porzingis mitira og 5-for-19 ug usa sa tulo sa Knicks ang mitala og 13 puntos.

Ang Knicks milamang og 29-25 human sa unang quarter apan wa nabuak ang 20 puntos sa sunod duha period.

Nagsugod ang Spurs nga mabira ang puntos sa ikatulo hangtud nahuman ang duwa.

Sa unang higayon karong season, si Leonard miduwa lang og 30 minutos. Kini ang iyang ikapitong duwa human sa iyang pagbalik gikan sa quadriceps injury.

Mihimo siya og 8-for-20 puntos ug miilog og walo ka rebounds.


VIEW COMMENTS