SECTIONS
Sunday , June 24, 2018

3-0 maoy target sa Gins vs. Elite

Mga duwa karon:
4:30 pm - Globalport vs Rain or Shine
7:00 pm. - Ginebra vs Blackwater

ANG pagrehistro sa ikatulong daog maoy tumong ug tuyo sa wa pay pildi nga Barangay Ginebra sa nagpadayon nga PBA Philippine Cup karong gabii sa Mall of Asia Arena.

Human mapukan ang Glo­balPort, 104-97, niadtong Do­­­­minggo, ug Magnolia sa Dis­yembre 25, 89-78, sa Philippine Arena, ning higayona ilang ikasakbang ang Blackwater Elite, ang team nga naila na karon nga giant-killer sa PBA.

Niadtong Disyembre 29, 2017, ang Blackwater mipakaging sa inilog nga Rain or Shine, 92-87.

Tinguha karon nga masumpayan ni Blackwater coach Leo Isaac ang ilang surprisang kaadaugan bisan pa man ilang ikasangka ang inila ug crowd favorite nga Kings.

Sa kasamtangan, ang Elite adunay 1-1 nga baraha human sila mapildi sa Meralco Bolts, 103-98, niadtong Disyembre 22.

Samtang, manuktok usab ang GlobalPort sa ilang u­­­nang kadaugan batok sa Rain or Shine sa preliminary match nga sugdan sa alas 4:30 sa hapon.

Ang GlobalPort nga padayong miduwa nga wala ang ilang star player nga si Terrence Romeo, wa pa gyud makatilaw og daog sud sa duha ka duwa batok sa NLEX Warriors ug sa Ginebra Kings samtang ang Rain or Shine mitali og 1-1 nga baraha human nila pakaginga ang TNT Ka Tropa, 92-89, sa wa pa sila mapildi sa Blackwater. (JBM)


VIEW COMMENTS