SECTIONS
Monday , June 25, 2018

Mactan Channel sirhan og 5 ka oras

SUD sa lima ka oras, dili una paagian og mga sakyanan sa kadagatan ang Mactan Channel atol sa fluvial procession sa Enero 20.

Si Commander Jerome Cayabyab, pangu sa Coast Guard Station Cebu, nibutyag nga magsugod ang pagsirado sa Mactan Channel sa alas 4 sa kaadlawon hangtod alas 9 sa buntag.

Kini aron dili mabalda ang fluvial procession diin dad-on og balik sa dakbayan sa Sugbo gikan sa siyudad sa Lapu-Lapu agi sa kadagatan, ang mga imahe sa Señor Santo Niño ug Our Lady of Guadalupe.

Matod ni Cayabyab, nihangyo na sila sa ilang headquarters nga moisyu og Notice to Mariners alang sa pagpahibalo sa pagsira sa Mactan Channel. (SCG)


VIEW COMMENTS