SECTIONS
Monday , June 25, 2018

'Tokhang' subling mo-arangkada

NANGANTI ang Davao City Police Office (DCPO) nga mas pakusgan pa nila ang pagpatuman sa war on drugs karong tuiga human kini mabalik kanila gikan sa pagdala sa Philippine Drug Enforcement Agency (PDEA).

Kini ang gibutyag ni DCPO spokesperson Senior Inspector Ma. Theresita Plaza-Gaspan human ilang nakita nga dunay mga tawo nga mibalik sa ilang kalambigitan sa druga.

Sa natigayong statistics conference sa DCPO niadtong Lunes giusa-usa ni DCPO director Senior Superintendent Alexander Tagum ang iyang 12 ka station chiefs labot sa update sa mga tawo nga na-identified niadto sa ilang Oplan Tokhang.

Sumala ni Gaspan nga dihang nawala sa ilaha ang war on drugs, misiaw ang mga nag-surrender niadto kinsa mibalik kini sa paggamit ingon man ang pagpamaligya sa gidiling druga.

Tungod niini, karong bulana mas pakusgan sa kapulisan sa DCPO ang pagpahigayon og Oplan Tokhang ug subayon ang mga drug surrenderers unsa na ilang kinabuhi ubos sa programa sa Community-based Rehabilitation after Care Program (CBRACP) sa Davao City Anti Drug Abuse Council (Cadac).

"Human rights shall always be respected," sulti ni Gaspan.

Nauna nang gisulti sa opisyal nga mohimo na sab sila og halapad nga operasyon batok druga ning tuiga.


VIEW COMMENTS