SECTIONS
Monday , June 25, 2018

Negusyante gi-ambush; 2 helper patay sab

WALA giwala sa imbestigasyon sa kapulisan sa New Corella Municipal Police Station ang bangi sa negusyo sa pag-ambush - patay sa tulo ka mga lalaki nga usa kaniya negusyante.

Sumala ni Police Regional Office (PRO) spokesperson Chief Inspector Andrea dela Cerna nga naglusad na og lawom nga imbestigasyon ang kapulisan sa New Corella labot sa pag-ambush sa biktima nga si Rohel Hinay Gozon, 33, negusyante.

Alas 11 sa gabii niadtong Miyerkules, gibanhigan si Gozon sa tulo ka mga armado nga sakay sa motorsiklo didto sa Purok 8, Barangay Poblacion, New Corella, Davao del Norte.

Atol sa pagpamanhid, napatay sab ang kaubanan ni Gozon nga sila Arturo Gozon Cordita Jr., 27; ug usa ka Carlos Padilla Abad.

Giingon nga silang tulo padung na unta sa Tagum City sakay sa Kia Sportage Wagon apan kalit giatangan sa mga mamumuno dayon gipamusil.

Personal nga bangi ingon man sa negusyo ang nag-unang motibo nga gilantaw sa kapulisan sa maong krimen.


VIEW COMMENTS