SECTIONS
Friday , June 22, 2018

Top 1 sa Criminologist Board Exam garbo nga taga Toril

GARBO sa taga Toril, Davao City ang nag-Top 1 sa bag-ohay lang nga resulta sa Criminologist Board Exam.

Ang Professional Regulation Commission (PRC) nagpagula og resulta niadton Biyernes diin nahimong Top 1 si John Denvert Rule Sanoria gikan sa Davao Central College sa Toril kinsa nakakuha og 89.50%.

Lakip sa Top 10 mao si Ariel Camote Olnagan gikan sa University of Mindanao Davao City kinsa nakakuha og 88.80% nga anaa sa Top 5.

Uban sa duha ka Dabawenyo nga mi-Top mao sila Maria Rosalie Rosales Maglana gikan sa University of Mindanao Tagum City nga anaa sa Top 5 ug si Lee Roobin Bayo Bura-ay sa Cor Jesu College (Holy Cross of Digos) nga nakakuha'g 88.50% kinsa anaa sa Top 9.

Sumala sa PRC, ang opisyal nga listahan sa mga nakapasar sa Criminologist Board Exam mapublikar karong Enero 16, 2018.


VIEW COMMENTS