SECTIONS
Sunday , June 24, 2018

Talk to Papa Joe: Ugangan nga manggamitay

Dear Papa Joe,

Tawga lang ko sa ngalan nga Enso, 40 anyos, buwag sa asawa ug dunay tulo ka mga anak. Ang akong problema kay mahitungod sa akong mga in-laws ug sa tibuok pamilya sa akong asawa.

Bati na kaayo ko para nila ug hudlaton pa ko kay wala naman koy ikahatag nila. Nagsugod man gud ni dihang akong nasakpan akong asawa nga nag-iring-iring sa among silingan ra pod. Kay lagi busy ko sa trabaho, wa ko kabantay ani pero ang mga pamilya sa akong asawa ni-tolerate lang basta kay padayon ang akong suporta nila tibuok pamilya kay negosyante man ko pero napordoy dihang nagbisyo akong asawa kay nawad-an na ko og gana.

Sa kwartahan pa ko, akoa ang tanan, hasta pagkasakit sa akong in-law nga babaye. Karon sayonsayunon lang ko nila kay naa na may nakapuli nako nga bag-ong bana sa usa nila ka anak nga datu pod kay mga hitsuraan lagi ni sila. Ang ako lang, ang akong mga anak unsay buhaton nako? Tambagi ko.

ENSO

Enso,

Kon ako pa nimo, kon naa kay ebidensya, mas maayo nga ikiha na nimo ang imong asawa para dako ka og katungod sa kusyudiya sa inyong mga anak.

Usa pa, kon mahal nimo ang imong mga anak, mahala ang imong kaugalingon ug paningkamot nga di maapektuhan ang pagdako sa inyong mga anak. Kanang imong asawa ug mga in-laws, pasagdahi na sila, kon tan aw nimo manggamitay na sila, kay moabot gyud ang panahon nga atubangon na nila ilang mga binuhatan.

Dili pa katapusan sa tanan. Buhata ang maayo para sa imong mga anak. Pero timbangtimbanga sa tanan para kon ingkaso magkabalik mo, wa kay may nabuhi nga batai nga pulong nga makadaut sad sa inyong mga anak.

PAPA JOE

(sa inyong tampo ipadala lang sa papajoesuperb@gmail.com)


VIEW COMMENTS