SECTIONS
Saturday , May 26, 2018

Quitain Jr. gipili nga 'majority floor leader'

GIPILI si Konsehal Melchor "Jay" Quitain Jr. sa siyudad sa Davao sa mga kaubang konsehal isip maoy bag-ong majority floor leader kagahapon.

Ginominar ni Konsehal Victorio U. Advincula Jr., si Quitain Jr., walay bisan unsa nga miparang alang sa posisyon.

Isip majority floor leader, siya gitudlo isip maoy bag-ong committee chair sa committee on laws, laws rules and ordinances nga gibiyaan sa bag-ong natudlo nga bise mayor nga si Bernard Al-ag.

Mga konsehal sab mibotar sab kang Konsehal Jesus Joseph Zozobrado isip bag-ong tsirman sa ethics and good governance, nga gibiyaan sab ni Quitain tungod kay makadumalalang siya og usa ka komite ubos sa iyang bag-ong posisyon.

Si Zozobrado karon naggunit og duha ka komite kay siya ang kasamtangang tsirman sa committee on public works.

Ang duruha pulos mihural sa ilang mga bag-ong posisyon, kon diin si Bise Mayor Al-ag maoy nagdumala.

Si Quitain sa hamubong mensahe human sa paghural, nagbutyag nga nakurat siya sa "unanimous vote" aron nga ipahimutang siya sa bag-o niyang posisyon.

"My experience will not be at par with the veteran councilors. You can expect that I'll work hard to give justice of this position," pasalig niya.

Si Quitain nahimong konsehal gikan sa ikatulong distrito sa siyudad, nangalagad na sulod sa kapin usa ka tuig.

Siya mao ang anak ni Jesus Melchor Quitain, ang kanhi city administrator sa Davao city, kinsa napili sab isip city councilor.

Si Quitain Sr. milingkod isip undersecretary sa Office of the President.


VIEW COMMENTS