SECTIONS
Saturday , May 26, 2018

Lascañas, Matobato di makita

ANG National Bureau of Investigation-Southern Mindanao Regional Office (NBI-Semro) padayon nga naniid aron masuta ang nahimutangan sa duha ka mga wanted personalities dinhi sa nasud.

Si NBI-Semro director Mario Francisco Tonelete nagsulti nga wa pa silay report labot sa gitaboan ni retired policeman Arturo Lascañas, kinsa miangkon nga handler sa Davao Death Squad (DDS), ug self-proclaimed DDS member Edgar Matobato.

"It's been four months already since I assumed this post, but until now, we do not have any update yet on Lascañas and Matobato. Hindi pa rin sila mahanap," suma ni Tonelete sa SunStar Davao.

Si Lascañas ug Matobato unang mipasangil ni President Rodrigo Duterte, kinsa mayor sa Davao City sa 22 ka tuig, nagpaluyo sa extrajudicial killings nga hinimoan sa DDS.

Ang retired policeman unang gikiha og kasong murder ug duha ka ihap sa frustrated murder tungod sa kamatayon ni radio announcer Juan “Jun” Pala Jr., kinsa gipatay niadtong Septyembre 6, 2003.

Si Justice Secretary Vitaliano Aguirre II unang nagmando sa NBI nga pangitaon si Lascañas kinsa milupad paingon sa Singapore niadtong Abril 8, 2017, nga gikompirma sa Bureau of Immigration (BI).

Si Lascañas gibutang sa International Police Organization (Interpol) Red Notice. Si Matobato, sa laing bahin, gikataho nga katapusan nakita sa Eastern Visayas.

Ang self-proclaimed gunman unang gikiha og kasong kidnapping, frustrated murder, ug illegal possession of firearms.


VIEW COMMENTS