SECTIONS
Saturday , May 26, 2018

Patay’ng lawas napalgan sa lawod

WALA pay identipikasyon ang usa ka lalaki nga napalgang anaa na sa pagkadugta niadtong Lunes, Enero 15, sa Barangay Sta. Ines, lungsod sa Talisayan, Misamis Oriental.

Gibutyag ni Senior Police Officer 4 Bonchita Rosario sa Talisayan Police Station atol sa interbyu sa SunStar SuperBalita nga kining patay’ng lawas napalgan sa mga mananagat sa lawod nga dapit ug hinay-hinay nga giguyod paingon sa baybayon.

Matud ni Rosario nga walay bisan usa nakaila niini apan aduna silay gikontak sa Carmen, Agusan del Norte tungod kay adunay report nga adunay missing nga mananagat sa dapit.

Hinungdan ilang gipadala ang hulagway sa napalgang biktima.

"Sa pagkakaron, wala paman gud feedback gikan sa ilaha mao nga karon among nadesisyonan nga ilubong na lamang." Matud ni Rosario.

Dugang niini nga kung ugaling i-claim kini sa pamilya, andam kini nilang ipakalot ug ipakuha.


VIEW COMMENTS