SECTIONS
Thursday , May 24, 2018

Mga mangunguot ang nadakpan

UNOM ka mga hamtong ug duha ka menor de edad nga mga bangiitang mangu­nguot gikan sa kaulohan ang nasikop sa Mabolo Police Station gawas sa dakong tindahan sa North Reclamation Area sa siyudad sa Sugbo.

Ang mga nangasikop mao silang Saidamen Unte, 34, taga Ma­rawi City apan lumad nga nag­puyo sa Don Antonio st., Brgy. Holy Spirit Quezon City; Ailyn Biaco, 29, taga Marikina; Aries Cabug, 23, lumad nga taga Mas­bate apan kasamtangang nagpuyo sa Quezon City; Margie Silva, 39, taga Pansol, Kaingin 2, Quezon City; Joy Rose Ababao, 24, taga Marikina City; Ansary Mamailo, 45, taga Usapi, Quezon ug duha ka mga menor de edad nga nagpangidaron og 17 ug 15.

Matod ni Insp, Samson Go, deputy chief sa Mabolo Police Station, gibiktima sa mga suspek sud sa dakong mall si Glenn Borinaga, 45, taga Duterte st,, Banawa, Guadalupe, siyudad sa Sugbo, diin gikuotan sa iyang pitaka, apan nakamatikod nga gikuha ni sa usa ka babaye.

Gitiman-an kini ni Borinaga ug iya dayon ning gidakop ug gidala sa Mabolo Police Station.

Mihimo og follow up operation ang Mabolo police ug naabtan si Joy Rose Ababao, gidiretsog dakop, apan ang laing mga kauban niini nakabiya na.

Ilang gisukit-sukit si Ababao hangtod nga mitug-an nga duna pa siyay daghang mga kauban nga nagpuyo sa pension house nga nahimutang sa B. Aranas, Barangay San Nicolas, siyudad sa Sugbo. (AYB)


VIEW COMMENTS