SECTIONS
Sunday , May 27, 2018

500T miuban sa Solemn Procession

MINUS ang natalang nitambong nga mga debotos karong tuiga alang sa solemn foot procession sa kapyistahan ni Sr. Sto. Niño kagahapon sa hapon itandi sa nakabalay nga tuig.

Sa crowd estimate sa Cebu City Police Office (CCPO) alas 6:00 sa gabii kagabii, di moubos sa 100,000 ang nitambong sa prosesyon base na usab ni Acting CCPO Director Senior Supt. Julian Entoma.

Alas 2:30 sa hapon kagahapon dihang niabot sa 500,000 ang gidaghanon sa tawo nga niapil sa maong prosesyon.

Ubos kini itandi sa 900,000 nga natala niadtong 2017.

Giuwan ang procession lakip na usab ang santos nga misa human niini.

Dul-an unom ka mga ki­lometro ang rota sa procession diin gituyok niini ang Osmeña Blvd., Mango Ave., dan Imus, M.J. Cuenco, Burgos St., paingon pabalik sa Basilica.

Ala 1:10 sa hapon kagahapon dihang nakagawas ang caruzza sakay ang Balaang Bata ug nilungtad sa kapin upat ka oras ang maong prosesyon diin naabot sa Basilica Minore del Sto. Niño alas 5:15PM.

Wala pa’y 30 minutos dihang nakagawas ang caruzza niini, naungot sa may Osmeña Boulevard pipila ka metros sa Basilica.

Usa sa nakitang rason ni Supt. Ryan Devaras, ground commander sa Cebu City Police Office, kini tungod kay daghan ang tawo duol sa Basilica diin mao kini sila ang gikan nitambong og misa.

Usa sa problema nga na­sugatan sa security team ang pagdasok sa tawo sa rota hi­nungdan nga nahunong kad­yot ang prosesyon.

Sa procession, usa ka tunghaan ang wa makapatunga sa ilang NSTP nga mga tinun-an mao nagubot sa may habig sa karsada sa Happy Mart, matod ni Albert Maxino, usa sa mga pangu sa crowd control.

Matod ni Fr. Ric Anthony Reyes, fiesta señor 2018 secretariat, nga daghan ang nibalibad nga tunghaan nga mo-cordon sa rota tungod kay kasagaran niini senior high school.

Dugang ni Reyes nga gilauman na nila nga aduna’y signal jam kagahapon.

Base sa pakisusi sa Superbalita Cebu, wala dayon masinati ang signal jam kagahapon. (HBL)


VIEW COMMENTS