SECTIONS
Wednesday , May 23, 2018

Sinulog nalangay

NADELATAR ang pagsugod sa Sinulog Grand Parade 2018 gumikan sa pagbunok sa uwan nga niresulta sa pagkahunong sa misa gumikan sa pagkawala sa kuryente sa Cebu City Sports Complex kagahapon.

Ang mga organizer sa Sinulog Foundation Inc. (SFI) nibanabana nga masugdan ang pagsayaw sa mga contingent lapas alas 9:30 sa buntag human sa misa.

Apan si Mayor Tomas Osmeña pormal nga nideklara sa pag-abli sa Sinulog 2018, alas 11:05 na sa buntag diin nisayaw dayon ang delegation gikan sa Cebu City Government, Provincial Government ug Sandiego Dance Company, pulos mga guest performer.

Nakabaton sila og problema gumikan sa pagbuto sa transformer sa Barangay Sambag-I nga maoy hinungdan sa brownout.

Ang misa nga gidumala ni Msgr. Roberto “Boy” Alesna nahuman pasado alas 9 na sa buntag diin nigamit sila oggenerator sets aron makapadayon.

Nadangtan pa og dul-an duha ka oras sa wala pa modeklara ang mayor sang­lit dugay nangabot ang mga dancer sa Cebu City Government nga nagagikan sa Barangay Carreta.

Si Konsehal Dave Tumulak, chairman sa executive committee sa SFI, nagkanayon nga nalangan usab ang paghuman sa Sinulog kagahapon.

Kini gumikan sa uwan nga daw nagdala og unos, ug ang ka­­daghan sa mga tawo nga gus­­tong motan-aw sa street dan­cing diin ang mga mananayaw maglisod na og sayaw apan nahatagan ra gihapon og solusyon ang ma­ong problema.

TUNGOD SA BALLOON

Bisan paman sa pahi­mang­no sa Cebu City Go­vern­ment nga wala’y tugotan nga balloon atol sa Solemn Procession ug Sinulog Grand Parade, apan mao na hinuon kini ang usa sa rason nga nagbrown-out kagahapon.

Atol sa santos nga misa sa wala pa hingpit nga gisugdan ang Sinulog Grand Parade 2018, 15 minutos nga nawagtangan og kuryente ang Cebu City Sports Center.

Gibutyag ni Quennie Bronce, tigpamaba sa Visayan Electric Company (Veco) nga naapektuhan ang usa sa feeders nila kagahapon diin natala kini nila alas 8:45 hangtod alas 9:15 sa buntag.

Usa sa rason kining nasambod nga balloons sa ilang feeder.

“One of our feeders tripped causing the power outage. The emergency crew traced the cause of the trip and found vegetation/tree branches or leaves in a transformer in the USC girls high area,” si Bronce nagkanayon.

Base sa inisyal nga pakisusi usab nila nga aduna’y balloon nga nasambod sa usa ka primary line nila sa dan Tormis sa Urgello.

“Initial report was that a balloon got entangled in our primary line along Tormis Street in Urgello. Upon inspection sa linya, they also found vines in a transformer in the area so gi-clear na lang pud. Affected areas P. del Rosario, Urgello and other parts of Sambag 1,” dugang ni Bronce.

Kalit usab nga napawong ang suga sa hapon kagahapon tungod na usab sa balloon nga nisambod sa usa sa linya sa kuryente sa VECO.

Matod ni Tumulak, nga wala mahunong ang misa dihang napawong ang kuryente.

Wala dihadiha usab ma­pasiga ang generator set apan nagamit ra kini.


VIEW COMMENTS