SECTIONS
Tuesday , May 22, 2018

Mga ahensiya sa gobyerno nagkahiusa alang sa PNG

MANILA - Mga representante gikan sa Department of Interior and Local Government, Department of Health, Department of National Defense, Philippine National Police, Public Communications Operations Office, Armed Forces of the Philippines ug ang Department of Education nakigpulong sa Executive Board sa Philippine Sports Commission aron idiskurso ang preparasyon alang sa Philippine National Games.

Nagpasalamat si PSC Chairman William Ramirez sa mga opisyal nga mitambong, "PSC is a small agency with a huge task. We can only do this successfully with your help."

Ang Philippine National Games gikonsidera nga national Olympics nga tambongan og 9,000 partisipante gikan sa 115 local government units gikan sa tibouk nasud karong umaabot Mayo 19 hangtud 25 sa Cebu.

Inisyal nga gi-eskedyul ang PNG niadtong Disyembre sa lima ka lugar sa Cebu alang sa nagkadaiyang events.

Gipaneguro ni Ramirez ang "security, comfort and health of all participants as prime concerns that we want to ensure are covered."

Si Commissioner Ramon Fernandez, ang oversight official sa Visayas region, miuyon sab sa gisulti ni Ramirez, "We are happy that we can all come together for sports."

Nagpaabot sab si Deputy Director General Angelo Villar sa Philippine Information Agency nga iyang ahensya mosuporta ug mohatag og ideya isip 'communication and promotions plan alang sa kalihukan.

Ang mga laing representante sa uban ahensiya mosuporta sab ug misuhetisyon og aksyon nga mahimo sa ilang opisina.

Ang tanan nag-uyon nga magpulong usab sa Marso alang sa 'update' sa aksyon sa matag ahensya nga preparasyon.

"Unity and solidarity. The goal in totality is to succeed together," uwahing pahayag ni Ramirez sa pagtapos sa maong pulong. (PR)


VIEW COMMENTS