SECTIONS
Sunday , May 27, 2018

Talk to Papa Joe: Way puangod

Dear Papa Joe,

Kanindot anaay tawagon nga amahan sa? Ako diay si Crismundo, 17 years old, a­­­nak og pinaangkan.

Ang akong mama wala dayuna sa akong amahan kay iya rang gipasaligan kay wa siya mosulti nga siya minyo. Pero belib ko sa akong mama ug mga apohan nga maoy nagpadako nako.

Sa tinuod wala ko uhawa og pagmahal sa usa ka amahan kay gipun-an kana sa akong mga uyuan ug lolo. Hangtod nga naminyo na akong mama sa tawo nga maora sad og tinuod namong amahan.

Sa akong nahibaw-an, min­yo ang akong papa sa us aka adunahang babaye nga maoy nagpatiwas niya og tungha. Wa sad ko masuya sa akong mga igsuon sa gawas kay karon nga dako na ko, makita na man nako sila pinaagi sa Facebook pero kutob ra sa tan-aw.

Hangtod karon lang bag-o, nikalit og communicate nako akong papa, puno sa pasalig para lang makuha niya akong pagtahod niya isip amahan. Pero wala ko niya gipaila sa iyang pamilya. Puro siya panaad nga wa gyuy natuman sukad sa among panagkaila.

Maihap ra ang pinansyal niyang natabang nako pero karon nahanaw nasad siya. Mao nakakapamatuod ko nga wa gyud diay ayo siya nga pagkatawo. Angay ba ko mopadayon? Tambagi ko.

CRISMUNDO

Crismundo,

Kon nangamahan siya ni­mo, di na kinahanglan pa nga ikaw ang mogukod niya kay kon nangita pa siya nimo, iyang pun-an ang panahon nga wa siya. Basin wala gyud siyay baruganan kay basin nahadlok siyang mahibaw an sa iyang pamilya iyang kalaki. Pero ayaw lang sad pagdumot ug pagsirado sa pag-ila ug pagtahod niya kay siya gihapon ang imong amahan. Mao nay giingon come what may. Daghang salamat.

PAPA JOE


(Sa inyong tampo ipadala lang sa papajoesuperb@gmail.com)


VIEW COMMENTS