SECTIONS
Wednesday , June 20, 2018

Farmer's market misaka na sa P817,670 ang kita sa upat ka semana

MISAKA na ngadto sa P817,670.00 ang kita sa upat ka hugna nga farmer's market sa hawanan sa kapitolyo.

"Lipay bitaw kaayo ko kay kusog kaayo ang farmer's market sukad pa sa pagsugod. Dili na gud halos maabtan og hapon kay hurot naman ilang mga baligya pagka alas diyes sa buntag." Kini ang pamahayag ni Misamis Oriental Governor Bambi Emano.

Gibutyag niini nga sa pagsugod sa farmer's market miabot ngadto sa P125, 200.00 ang kita; sa ikaduhang semana moabot ngadto P240,470.00 ug sa ikatulo nga semana mokabat sa P212,000.00 ug niadtong adlawng biyernes moabot sa P240,000 ang kita nga sa kinatibuk-an moabot ang kita og P817, 670.00

Matud ni Gov. Bambi nga magsayo lang pag anha aron dili mahutdan og baligya.

"Come and visit farmer's market. Explore and taste Mis Or." Aghat niini.

Dugang niini nga makapalit na usab ang katawhan og mga preskong gulay, prutas ug uban nga abot mismo sa mga mag uuma sa Misamis Oriental.

Gawas niini dili mawala ang nag inusarang tea sa nasod sa Pilipinas nga makita lamang sa Misamis Oriental nga mao ang Oolong tea.

Matud ni Gov. Bambi nga matilawan usab ang barbecue nga itik nga gikan sa Itikan farm nga gipalambo gihapon sa kagamhanan. (SVB)


VIEW COMMENTS