SECTIONS
Sunday , May 27, 2018

Recovery specialists isip profession

GIDASIG sa usa ka organi­sasyon nga certified addiction recovery specialists ang gobyerno nga ilhon isip propisyon ang recovery specialists sa nasod.

Samtang kagahapon, hingpit na nga nigradwar sa 10 ka adlaw nga course training ang 26 ka partisipante sa nagkadaiyang parte sa kalibutan sa labing una nga International Certified Addiction Recovery Specialists (ICARS) Program.

Ang ICARS program gipa­ngulohan sa Emeritus Addiction Studies ug sa Asia Metropolitan University diin labing una kini nga gihimo sa nasod.

Lakip sa mga partisipante nga karon certified recovery specialists na kining local go­vernment unit sa Butuan City; mga tigdumala sa SuGOD, Safe Haven Recovery, 180 Degrees ug Dilaab Foundation sa Cebu; Sobriety Foundation Inc., sa Pampanga; TCI Village sa Cavite; Hope Project sa Nueva Ecija ug AIN Society sa Singapore.

Matos sa program director niini nga si Bian How Tay nga usa ka seryuso nga problema ang drug addiction sa nasod.

Si Tay kinsa gikan sa AMU sa nasod sa Malaysia maoy niha­tag og kaalam ug skill-based lessons sa mga partisipante aron mahibawo unsaon pagdala sa mga drug addict sa rehab.

Usa sa Master Trainer si Malyn Cristobal.

Matod ni Fe Barino, executive director sa Surrender to God (SuGOD), libre nga faith-based nga rehab center sa Sugbo. (HBL)


VIEW COMMENTS