SECTIONS
Monday , June 18, 2018

21-anyos gikulata, namatay

USA ka construction wor­ker nga giingong nangita og ka-date sa Valentines Day patay human gitabangan og kulata sa miaging kaadlawon sa Barangay Corazon, lungsud sa Catmon.

Si Noe Guiwanon, 21, ulitawo, construction worker ug ta­­ga Barangay Cabungahan Cat­­­mon, dead-on-arrival (DOA) sa tambalanan sa Sogod.

Nangadakpan ang mga suspek nga sila si Guilmar Langga, 25, ulitawo, estambay ug taga Barangay Jose, Catmon; Nick Guinita, 36, minyo, drayber sa traysikad, taga Barangay San Jose; Rolito Pontillas, 32, taga Barangay Cabunga-an; ug a menor de edad.

Si Sr. Insp. Romeo Caacoy, Jr., hepe sa Catmon Police, nagkanayon nga karong adlawa Valentines day ilang i­pasaka ang kasong homicide batok sa upat ka suspek lakip ang minor.

Si Caacoy niingon nga ang biktima nisuroy sa pista sa lungsud naglulinghayaw aron makakita kinig ma-date sa Valentines Day apan sa pagkakaadlawon, nasugatan niya ang minor de edad nga suspek uban sa hinigugma niini.

Matud pa niini nga dihang nasugat sa biktima nasaghiran niini ang babaye nga uyab sa minor nga suspek.

Nahitabo ang panaglalis sang­lit nasuko ang babaye pero ang komusyon daling napakgang sa mga tawo sa palibot.

Pero dihang nabuwag ang duha ka habig naghagitay nga balik.

Paglabay sa pipilaka minutos, nibalik ang menor de edad n uban na niini ang tulo ka higalang suspek ug walay daghang pangutana gitaba­ngan sa pagkulata ang biktima nga natumba.

Natumba ang biktima nalupyok ang likod sa ulo wa hinuon ma establisar kinsay nagdalag magahing butang sa mga suspek.

Apan dihang misurrender ang minor nga gikuyogan sa amahan dayon nadakpan sa follow up ang ubang suspetsado mipadayag nga gitaba­ngan ra gayyd nilag sumbag ang biktima. (GPL)


VIEW COMMENTS