SECTIONS
Wednesday , May 23, 2018

Unaha ang simba usa Valentine’s

ARON molungtad ang panaghigugmaay sa duha ka mga binuhat, nindot kon saulogon nila una ang adlaw sa mga kasingkasing karong adlawa pinaagi sa pagsimba ug magpabutang og abo sa agtang kay Ash Wednesday.

Ang Ash Wednesday maoy nagbukas sa 40 ka adlaw nga Lenten season o Kwaresma nga nagpahinumdom sa pag-antos, kasakit ug kamatayon ni Hesu­kristo aron pagtubos sa mga sala sa katawhan sa kalibotan.

Si Msgr. Joseph Tan, tigpa­maba sa Cebu Archdiocese, nii­ngon nga kini ang tinuoray nga gugma nga gipakita sa Diyos.

“Ang tinud-anay nga paghi­­gug­­­ma nga maoy atong gipa­kita pi­­­naagi sa atong pagsaulog sa Ash Wednesday nagagikan sa pag­­hi­gugma sa atong Diyos nga gi­ha­­tag kanato sa dili pa na­­to ipa­­­am­bit ngadto sa uban,” pa­­mu­long niini sa pakighinabi sa Super­ba­lita Cebu kagahapon. (SCG)


VIEW COMMENTS