SECTIONS
Thursday , May 24, 2018

Frias: Happy valentines Mr & Mrs Estrada

NAA ko’y bag-ong nahigala ning panahona sa personahe ni Mrs. Olivia Estrada, kanhi usa ka emplehado sa National Statistics Office ug karon usa na ka negosyante.

Sa among panag-ila, nadiskobrehan nako agi kaniya nga iyang pinalanggang bana nga si Nestor, usa diay ka emplehado sa City Accounting Office.

Saysay niya nga sekreto kaayo siya gatuon ug dula sa chess atubangan sa computer. Hinuon, wala sab ko nangutana kung unsa nga chess software iyang gigamit.

Wala sab ko nagpaila ni Mrs. Olivia diretso nga unsa akong kalibre sa chess labina nga gadayo ako og balik pagdula sa laing-laing lugar.

Intawon, nalumay akong dughan pagkabalo nako nga si Mr. Nelson mahilig og cut-out og chess column sa newspaper para lang naay bag-ong theory iyang matun-an sa chess.

Sa ngalan nga magsaulog iyang bana sa iyang adlawng natawhan niadtong Domingo, nag-abiso gyud ko ni Mrs. Olivia nga regalohon si Mr. Nelson og chess e-books basi sa iyang hilig ug istilo.

Sa nakuha nako nga impormasyon ni Mrs. Olivia, si Nelson mahilig og Queen’s Pawn Opening, tactical nga posisyon ug iyang hilig nga world champion mao si anhing Robert “Bobby” Fischer.

Girekomendar nako og linya sa QP Openings, Sicilian Dragon, Fire on Board ni GM Alexei Shirov ug ang 60 Memorable Games ni Fischer.

Busa sa akong nakita nga pagpanga ni Mrs. Olivia kang sir Nelson, dili nako matabang akong kaugalingon sa pagbati kaninyo og happy valentines.

Alang kang Sir Nelson, naay usa ka dula akong ipakita kung ambot madumduman nimo ang dula ni GM Donald Byrne ug sa 14-anyos nga Fischer diin nahimo ang dula nga usa ka immortal game ug game of the century.

Byrne,Donald - Fischer,Robert James [D97]
New York Rosenwald New York, 1956

1.Nf3 Nf6 2.c4 g6 3.Nc3 Bg7 4.d4 0–0 5.Bf4 d5 6.Qb3 dxc4 7.Qxc4 c6 8.e4 Nbd7 9.Rd1 Nb6 10.Qc5 Bg4 11.Bg5 Na4 12.Qa3 Nxc3 13.bxc3 Nxe4 14.Bxe7 Qb6 15.Bc4 Nxc3 16.Bc5 Rfe8+ 17.Kf1

(diagram)

Be6!! 18.Bxb6 [18.Bxe6 Qb5+ 19.Kg1 Ne2+ 20.Kf1 Ng3+ 21.Kg1 Qf1+ 22.Rxf1 Ne2#] 18...Bxc4+ 19.Kg1 Ne2+ 20.Kf1 Nxd4+ 21.Kg1 Ne2+ 22.Kf1 Nc3+ 23.Kg1 axb6 24.Qb4 Ra4 25.Qxb6 Nxd1 26.h3 Rxa2 27.Kh2 Nxf2 28.Re1 Rxe1 29.Qd8+ Bf8 30.Nxe1 Bd5 31.Nf3 Ne4 32.Qb8 b5 33.h4 h5 34.Ne5 Kg7 35.Kg1 Bc5+ 36.Kf1 Ng3+ 37.Ke1 Bb4+ 38.Kd1 Bb3+ 39.Kc1 Ne2+ 40.Kb1 Nc3+ 41.Kc1 Rc2# 0–1


VIEW COMMENTS