SECTIONS
Thursday , May 24, 2018

Rescue team sa kapulisan nakaalerto

NAKAALERTO ang kapulisan sa paghapak sa Bagyong Basyang sa Northern Mindanao.

Gibutyag ni Police Superintendent Lemuel Gonda, kinsa tigpamaba sa Police Regional Office (PRO)-Northern Mindanao, nga activated na ilang Disaster Incident Management Team ug mga personahe alang sa mga rescue operation sa mga lugar nga nakasinati og pagbaha.

Matud ni Gonda nga aduna nay mga pulis nga nadestino sa mga lungsod sa Misamis Oriental lakip sa dakbayan sa Cagayan de Oro diin nga kompleto sa mga ekipo.

Nitabang usab ang kapulisan sa pagpahibalo sa katawhan sama sa mga rekurida ug pag-aghat aron sa pagpamakwit niadtong delikado nga mga lugar nga maagian sa baha.

Dugang ni Gonda nga ang kapulisan sa PRO-Northern Mindanao andam kanunay pag-abag sa mga opisyales sa nagkadaiyang barangay ug lungsod sa paghatag og serbisyo sa panahon nga adunay hulga sa dautang panahon.


VIEW COMMENTS