SECTIONS
Wednesday , April 25, 2018

Bagyong Basya out na

GIKAHINAMAN nga Valentine's Day siguradong madayon gayud tungod kay posibleng maayo na ang panahon karon ning dakbayan sa Cagayan de Oro.

Kini human gipaubos na gikan sa signal no. 2 ngadto sa signal no. 1 ang Misamis Oriental.

Kauban ang Calamian ug Cuyo groups of islands, Aklan, Capiz, Antique, Iloilo, Guimaras, Negros Occidental, Negros Oriental, Siquijor, Bohol, Cebu, Biliran, Leyte, Southern Leyte, southern section of Samar, ug southern section of Eastern Samar, Dinagat Islands, Surigao del Norte, Surigao del Sur, Agusan del Norte, Agusan del Sur, Camiguin, Northern section sa Bukidnon, Lanao del Norte, northern section sa Lanao del Sur, Misamis Occidental, ug northern section sa Zamboanga del Norte.

Apan ang Philippine Atmospheric, Geophysical and Astronomical Services Administration (Pagasa) nibutyag nga posibleng maayo na ang panahon karon labina sa Misamis Oriental ug Cagayan de Oro City.

Matud ni Guya nga sa pag-landfall sa Bagyong Basyang sa Surigao del Sur, mitipas kini sa dalan paingon sa Visayas nga bahin ug ang gidala nga hangin nagkaanam og kahinay.

Tungod niini, dako ang posibilidad nga makasinati na og maayong panahon ang dakbayan sa Cagayan de Oro karong Miyerkules lakip ang kasikbit nga dapit.

Dugang ni Guya nga sa pag-landfall ni Basyang sa Cortes, Surigao del Sur naghinay kini ngadto tropical depression.

Gikatakda sab dayon nga masinati ang pag-ulan sa Palawan, Visayas, Caraga, Northern Mindanao, ug Zamboanga Peninsula.

Giawhag gihapon ang katawhan nga magbinantayon sa kanunay.

Kahinumduman nga nagbaha ang pipila ka mga post sa social media ug gikalingawan ang Bagyong Basya nga gituohang molungtad pa karong Miyerkules. Gani dunay mga niingon nga kanselado usab ang pagsaulog sa Valentine's Day tungod sa bagyo.


VIEW COMMENTS