SECTIONS
Tuesday , May 22, 2018

Abueva nainsulto ni Reyes?

GIPAKGANG ni Chot Reyes ang pangangkon ni Calvin Abueva nga malakip siya og balik sa lineup sa Gilas Pilipinas alang sa second window sa 2019 Fiba World Cup qualifiers.

Si Reyes kinsa mitaktak ni Abueva ug Raymond Almazan sa iyang lineup alang sa ilang duwa batok sa Australia ug Japan, mibutyag nga way kausaban sa iyang desisyon kalabot sa status ni Abueva sa national team.

“Sino nagsabi?” matod ni Re­yes sa dihang gipakisayran sa mga tigbalita kon unsa ka tinuod ang pamahayag ni Abueva nga nibalik siya aron makakuha og luna sa Gilas lineup.

“Baka nananaginip lang siya,” dugang sa national coach human sa ilang praktis nga napatik sa Spin.ph.

Sa wa pa ang ilang ensayo, si Abueva miingon nga iyang gihangop nga kabahin gihapon siya sa lineup sa Gilas nga mosakbang batok sa Australia ug Japan sa home-and-away tournament, duha ka semana gikan karon.

Sa dihang gipahibawo ka­labot sa gisulti ni Reyes, si Abueva mitug-an nga gisultian siya niini nga pangandamon lang kay ilakip siya og balik sa pool.

Iyang giingon nga bugtong si Reyes ra ang makatubag sa maong mga pangutana.

“Actually hindi ko pa alam (kung) nakabalik na ako, pero siyempre pinagre-ready lang ako,” pasabot ni Abueva, kinsa kausa ra makapalta sa ilang ensayo human siya nakig-istorya ni Reyes.

“Nakabalik nga ako sa practice, ang sinasabi lang sa akin mag-ready ka lang.”

Hangtod niadtong Martes, wa gihapoy kausab nga gihimo si Reyes sa lineup.

“We haven’t made any decisions either way because we’re still assessing all the injury status of the other guys. So we’re not yet in a position to make the final decision or determination about it,” ingon sa Gilas coach.

Gipahimatngonan ni Reyes ang mga Gilas fans nga dili lang una magbaton og kahinam kalabot ni Abueva.

“Huwag tayong excited. We took him out of consideration for the second window but he remained part of the pool,” dugang ni Reyes.

“And I’ve always said people can play themselves into consideration into the pool and out of the pool or out of consideration. There’s no change there.” (JBM)


VIEW COMMENTS