SECTIONS
Tuesday , May 22, 2018

Matthysee sunod kontra ni Pacman?

GIDAWAT ni Manny Pacquiao ang hagit ni Lucas Matthysse ug kini posibling mahitabo karong bulan sa Abril.

Kini maoy nag-unang senaryo nga posibling mahitabo sa higayon nga makahukom na si Manny Pacquaio nga mobalik og saka sa ring.

Sa niaging buwan, ang Argentinean puncher nga si Matthysse mipabuhagay nga gusto kining makigsangka ni eight division world champion Manny Pacquiao.

Ang maong hagit gipalanog ni Matthysse human sa iyang eight round TKO nga kadaugan batok ni Tewa Kiran sa The Forum sa Los Angeles aron angkunon ang World Boxing Association (WBA) welterweight title.

Si Matthysse (39-4, 36 KOs) ang maisugon nga andam siya nga makigharon ni Pacquiao.

Ang presidente sa Gol­den Boy Promotions nga si Eric Gomez mitug-an sa Bo­xingScene nga walay babag alang ni Matthysse kon ubos sila sa ESPN sanglit aduna man usay kontrata si Pacquiao niini.

“I love that fight, one of his trainers was here the other day,” matod ni Roach ngadto sa BoxingScene.com. “I took [his trainer] downstairs [at the Wild Card Boxing Club], I gave him the tour a little bit, he pointed at a picture of Pacquiao and said, ‘We want him’ and I said, ‘I would love for you to have him.’”

“I think it’s a great fight, two guys who are a little bit older and not as big of punchers as they once were but it’s a very good action-packed fight.”

Si Pacquiao (59-7-2, 38 KO’s) wa na makaaway sukad kini malangkati sa iyang WBO welterweight title ni Jeff Horn niadtong Hulyo didto sa Suncorp Stadium sa Brisbane, Australia.

Sa way daghang pangutana, mipakita usab og interest si Pacquiao sa maong away ug gusto kini nga mahinayon. (JBM)


VIEW COMMENTS