SECTIONS
Monday , June 18, 2018

NPA nga nag-ihaw sa 2 ka asset sa militar gilutos

ANG kapulisan sa Tugbok Police Station padayong naniid sa mga rebel-infested areas sa ilang area of responsibility (AOR) human sa alegasyong mga New People's Army (NPA) ang mipatay sa duha ka mga giingong asset sa mga sundalo.

Ang insidente nahitabo alas 7:00 sa gabii niadtong Miyerkules didto sa Purok 8, Costan Village ug sa Sitio Saro, Barangay Manuel Guinga, Tugbok District, siyudad sa Davao.

Base sa spot report sa Tugbok Police Station, ang mga biktima nailhang sila Arlan Secretaria Costan Jr., 24, banana packer; ug Reynaldo Bustamante Diaz, mag-uuma ug nagpuyo sa dapit.

Sa inisyal nga imbestigasyon ni Senior Police Officer 2 Roldan Paradiang, nasayran nga ang biktima nga si Costan uban niya ang iyang 4-anyos nga anak diin kalit miabot ang mga armado dayon gihigtan ang iyang kamot.

Samtang si Diaz uban ang iyang asawa sud sa ilang balay diin kalit misaka ang mga rebelde ug gipatug-an siya kung asset ba siya sa militar, apan namalibad kini hinungdan nga gipusil siya ug namatay.

Diha dayon namatay ang duha ka biktima ug daling nanibat ang mga suspek padung sa usa ka hilit nga dapit sa maong lugar.

Ang Tugbok Police Station padayong naghimo og imbestigasyon labot sa hitabo.


VIEW COMMENTS