SECTIONS
Monday , June 25, 2018

Gensan miyukbo sa Davao

GIAGAK ni Blue Knight Lawrence Marione Angeles ang Assumption College of Davao (ACD) ug Ateneo de Davao University (Addu) nga pambato sa Davao City team sa pagpildi sa General Santos City, 105-89, sa Regional Finals sa National Basketball Training Center (NBTC) didto sa University of Mindanao gym sa Matina niadtong Dominggo.

Mihatag si Angeles og walo ka tres aron matala ang game-high 29 puntos.

Ang kuyaw nga guard gikan Addu ang giila sab nga Most Valuable Player (MVP), "I was just thinking na manalo sa game na yun (daugon ang duwa).

Nire-represent namin yung Davao City so binigay ko na lahat para lang manalo and makapunta kaming lahat sa Manila for the NBTC nationals, ni Angeles mahitungod sa iyang pagpaningkamot atol sa finals.

Mitabang sab si Axel Doromal pinaagi sa iyang 20 puntos aron mapalukapa ang Holy Trinity College-General Santos City.

Sila ACD's BJ Sumugat ug Jory Velarde mibuslo og 16 ug 14 puntos sa maong han-ay samtang AJ Royo mihimo sa iyang papel alang sa best-of-the-best championship game kontra sa pinakamaayong tim sa Soccsksargen region.

Matud ni ACD head coach Rollie Sancho nga malipayon siya sa kadaugan diin abante sila sa Finals sa Marso 19 hangtud 24 didto sa SM Mall of Asia Arena.

"For the preparation, kailangan naming i-improve ang defense especially sa transition. We need to review the system in offense (set plays) often and build each player's stamina kasi we need to run kasi maliit kami," ni Sancho sa ilang pakigtigi batok sa mga kusog nga kontra sa lahing rehiyon.

Ang laing pambato sa Davao City mao sila Angeles, Doromal, Sumugat, Velarde, Royo, Marvin Vistal, Leonard Salvame, Alejandre Positos, Christian Malano. Aaron Gellard Lapating, Arnold John Frence Heje, Jamal Bandalan, Gabriel Adrian Lazarraga, Austee Carl Talisayan ug Lex Francis Blanco.


VIEW COMMENTS