SECTIONS
Friday , June 22, 2018

Tadeco mialma sa DPWH

NAGPLANO karon ang Tagum Agricultural Development Company Inc. (Tadeco) nga mopasaka og kaso sa mga personahe sa Davao del Norte Department of Public Works and Highways (DPWH)-District Engineer’s Office human ilang quarantine facility ilegal nga giguba didto sa Tanglaw entrance niadtong Lunes March 5.

Si Abogado Nicolas Banga, Tadeco legal counsel, nagbatikos sa personahe sa DPWH sa pagguba sa ilang steel swing beam nga nagsilbi nga quarantine measure nga giinstalar sa entrance sa farm road sa Tanglaw, Braulio E. Dujali, Davao del Norte.

Ang aksyon giingon nga gihimo aron i-haras ang banana plantation.

Iyang giila kadtong mga personalidad nga mitambong sa inspeksyon nga mao si Edwin Jubahib, ug inspection team gipangulohan ni Noel Basañes.

“One is malicious mischief, and we are also contemplating of filing grave coercion case, graft case for violation of Republic Act 3019 surely against the people who are connected to this government (office),” suma niya.

Sulti niya nga dunay pasiunang komunikasyon tali nila ug Davao del Norte District Engineering Office labot sa verification survey isip kabahin sa planning, design, construction ug maintenance sa nasyunal nga kalsada.

Sila nagtuo nga inspeksyon lamang, apan, dihang ang inspection team miabot sa lugar, giguba na ang swing beam.

Giingon ni Banga nga si Jubahib konektado sa opisina ni House Speaker Pantaleon Alvarez.

“We cannot conclude on that aspect. It is unfair to accuse him that he is behind (all of this) because the inspection was pursuant to an order coming from the committee on good government and property accountability,” sulti sa abogado.

Giklaro niya nga ang swing beam wa nagbabag sa mga tawo nga mosud sa Tanglaw road.

Ang SunStar Davao nangayo na og pahayag sa DPWH, apan, wa pay tubag samtang gisuwat kining balita.


VIEW COMMENTS