SECTIONS
Monday , June 18, 2018

'300 times' sex enhancer

GIBANA-BANA nga “300 times” ang gana sa pakighilawas kung mogamit sa “fly-high-drug” nga nadiskubre karon sa Philippine Drug Enforcement Agency (PDEA)-Davao ug gipaneguro sa maong buhatan nga di kini makasulod sa Davao City ilabi na sa Davao Region.

Kini ang gibutyag ni PDEA-Davao director Antonio Rivera atol sa AFP-PNP press conference sa The Royal Mandaya Hotel kagahapon diin suma niini hugot ang ilang pagbantay karon labi na kay duna nay mga party isip tipik sa ika-81st Araw ng Dabaw karong bulana.

Sumala ni Rivera nga mikatag na kini nga druga nga sagad maoy ginatumar, ginainom panahon dunay party nga mikatag na sa laing nasud ug gipaneguro nilang di gyud kini kasulod sa Davao City.

Gipasabot sa PDEA nga ang nahisgutang druga mao ang gisagol nga ecstasy, shabu, cialis ug viagra nga mamahimong liquid nga ihalo sa juice ug mamahimo kining maporma nga usa ka kapsula.

"Expensive siya, murag tag P3,500 per capsule. So base lang ni siya sa study gumikan sa pagkatag na niini nga sagad ginagamit sa mga party-party," dugang ni Rivera.

Hinuon sa kasamtangan, gitin-aw sa PDEA nga shabu ug marijuana lamang ang nakasulod sa Davao City.

Sa bahin sa Police Regional Office (PRO)-Davao ilang gipaningkamutan nga mapakusgan pa ang seguridad sa mga entry ug exit points sa Davao aron di gyud kasulod ang nasampit nga druga sa dakbayan.

"Kita sa PRO, mas modugang pa kita og mga security forces labi
na sa atong mga checkpoints aron maseguro nga di ni maabot sa Davao. Hugot sab ang atong kapkap sa atong mga moapilay og party this Araw ng Davao," ingon sa bag-ong PRO-Davao spokesperson Chief Inspector Milgrace Cajes Driz.


VIEW COMMENTS