SECTIONS
Friday , June 22, 2018

Talk to Papa Joe: Palautang

Tawaga lang ko sa ngalan nga Mark. Ang akong suliran kabahin ni sa akong boss sa among department. Sa bag-o pa ko sa work, maayo kaayo ni siya nako. Labi na niadtong panahon nga kusog kaayo ni manghuwam nako og kwarta. Ako sad pahuwam kay lagi murag batasan sa Pinoy para naay kapit ba.

Okay pa to primiro kay ginagmay lang P500 o P1,000 pero kapila na ni siya manghuwam wa gyuy ilis-ilis pero wala nalang sad nako paningla na mokabat na siguro og P5,000. Total dako man sad ang oportunidad nga nadawat nako kay gidawat ko niya sa trabaho. Hangtod nga nanghuwam siya nako og P20,000. Wa pa gani koy kwarta ato, pero namrenda na lang ko og alahas kay naluoy ko niya kay emergency daw.

Nilabay ang tulo ka buwan sukad sa iyang pagsaad ug rematihunon na ang alahas, wa gyud mobayad mao nga nagpakiluoy ko niya na bayaran kay maremate ang alahas. Nanghuwam siya ug iya kong gibayaran pero sukad na, ato bati na kaayo siya og tinagdan nako. Pirme na ko niya sugoon unya kasab-an na niya. Ibalhin ko niyag grave yard shift nga kalit kalit unya pangitaan na ko niya og bikil. Unsaon man ko ni siya kay naapektuhan na man akong trabaho? Palihug tambagi ko.

MARK

Mark,

Naa gyuy mga tawo nga ing ana manggamitay. Motabang kuno pero naghuwat og something in return. Pero kon tan-aw nimo personalan na, pakigsulti niya. Pero kon di maayo ang resulta, ipadangat na sa inyong pinaka labaw. Basin di lang ikaw ang nabiktima ani. Pero kon di ka ganahan og hasol, mas maayo nga ayaw nalang siya patuli. Trabaho sa angay nimo trabahuon ug kon di makaon iyang style, dangop sa Department of Labor. Salamat.

PAPA JOE

(Alang sainyong tampo ipadala lang sa papajoesuperb@gmail.com)


VIEW COMMENTS