SECTIONS
Wednesday , June 20, 2018

Beer-Gins semis sugdan na

Mga duwa karon:
(Smart Araneta Coliseum)
7:00 pm. - San Miguel Beer vs. Ginebra

PATAS nga taas ang moral sa mga higanting team San Miguel Beer ug Barangay Ginebra sa dihang sugdan na ang ilang semifinals best-of-seven series sa 2017-18 PBA Philippine Cup best-of-seven semifinal series sa Smart Araneta Coliseum karong gabii.

Hugot ug physical nga kombati ang gipangandaman sa matag habig kinsa pulos nagtinguha nga makaangkon sa prestisyusong titulo ning ma­ong season.

Untop nga mosikad ang panagsangka sa alas 7 sa gabii sa maong series nga gituohang moagi og hataas nga dalan.

Sentro sa atraksiyon mao ang presensiya ni Greg Slaughter sa Ginebra Kings kinsa giduhaduhaan pa kon makaduwa karong gabii. Apan si coach Tim Cone daw mipasumbingay nga mas palabihon pa niya nga papahuwayon ang 7-1 nga Slaughter aron sakto na kini sa kondisyon alang sa sunod nga mga duwa.

Si Slaughter ang gilantaw nga maoy lig-ong hinagiban nga magamit sa Kings aron ilang mabawsan ang ilang kapildihan sa Beermen sa niaging 2016-17 All-Filipino finals.

“Big thing for us is whether Greg can play. That will really help us equalize. That would be the great equalizer,” matod sa pamahayag ni Cone nga napatik sa PBA.ph.

Alang sa San Miguel kining maong playoff mao usab ang ilang himuong panilmalos sa ilang kapildihan sa Kings sa niaging quarterfinals matchup sa niaging Governor’s Cup.

Nabintahaan man tuod sa tapad ilabi na sa presensiya ni June Mar Fajardo, apan si Cone magpabilin nga mosunod sa iyang sistema.

Usa sa iyang gisandigan karon mao ang 6-9 nga si Japeth Aguilar ug ang liderato sa iyang pointguard nga si LA Tenorio. (JBM)


VIEW COMMENTS