SECTIONS
Friday , June 22, 2018

Construction company pasirhan ni Osmeña

GUSTO ni Cebu City Mayor Tomas Osmeña nga pasirhan ang negosyo sa JE Abraham C. Lee Construction and Development, Inc. tungod kay gawas nga wa nituman sa gikinahanglang permit, daw tax evader kini.

Gihulagway sa mayor nga tax evader ang maong construction firm kay wa nikuha og building permit sa ilang bunkhouse nga niresulta sa kamatayon sa lima ka mga construction worker sa Archbishop Reyes Avenue niadtong Martes sa kaadlawon.

“We’re going to stop his business, not only bunkhouse, we’re going to stop his business. They have not filed any building permit and he gets caught and he’s banned. These are the tax evaders,” matod ni Osmeña.

Kon pananglitan mapatuman kini, tanang construction project sa maong kompaniya mahunong sa pagtrabaho.

Nasayran sa Office of the Building Officials (OBO) nga ang bunkhouse nga nahugno wa’y permit gikan nila.

Base sa balaod, ang pagtukod og bunkhouse kinahanglan kuhaan og permit tungod kay makonsiderar kini nga temporary structure.

Si City Treasurer Veronica Morelos, sa iyang bahin, nagkanayon nga naka-renew sa ilang business permit ning tuiga ang construction firm.

Hinuon base sa ilang record ang maong firm dunay tax delinquency nga nagkantidad og P351,000 diin ang firm dunay partial payment nga P87,000 alang sa 2017. (HBL)


VIEW COMMENTS