SECTIONS
Tuesday , June 19, 2018

Magbuwag Ta Kay

SA USA ka relasyon, nganong kinahanglan man magbuwag kon walay igong rason?

Nganong kinahanglan man magbulag kon nagminahalay, naghinigugmaay?

Apan niining bisaya nga pelikula nga "Magbuwag ta Kay" dunay mga igong rason nganong kinahanglan magbulag ang naghinigugmaay ug nagminahalay ug kini ang angayan nga lantawon sa tanan labina showing pa kini sa SM Cinema Downtown Premiere sugod kagahapong adlawa hangtod petsa 14 sa Marso.

Matud ni Rowell Ucat alyas Medyo Maldito kinsa lumad nga taga Cagayan de Oro ug misikat sa iyang mga viral video ug maoy bida niining pelikula nga unang higayon kini niya mga misulod sa kalibutan sa pelikula.

"Grabe gyod akong kalipay ba nga naa koy pelikula. Paghuna nako artista na gyod ko ba." Pasiaw nga butyag niini sa SunStar SuperBalita.

Partner ni Medyo Maldito denhing pelikula mao si Akiko Suson ang finalist ug singer sa star power sa kapamilya network ug lumad nga taga Cebu.

"Ako ni gidawat nga proyekto kay gusto nako mahatagan og chance kitang mga bisaya nga maipakita atong talent." Butyag niini.

Si Sunshine Lim, executive director gikan sa Heritage Production, nibutyag nga damgo niya nga mohimo og mga bisaya nga pelikula nga kaniadto maoy gatan-awon sa kadaghan niaging mga dekada ug bout niining mabalik karong bag-ong milenyo.

Tuod man daghan hagit ug mga pagsuway ang ilang naagian apan sa katapusan nagmalampuson human ubay-ubay ang ni sponsor sa pelikula. Lakip na niini ang pakigtambayong sa Viva Films nga maoy magpakita niini.

Ikatulo na kini nga pelikula ang giprodyus sa Heritage Production ug una niini usa ka Sinulog short film ug laing pelikula nga “Lily” gibida ni Shaina Magdayao ang aktres nga lumad nga Cebuano.

Atol sa premiere night sa Magbuwag ta Kay, gidumog kini sa mga Bisaya fans ang mga bida niini ug daghan ang nalingaw human og tan-aw sa pelikula.

"Must watch! Tsada og storya ug naa tay makat-onan." Matud ni Marie Soriano kinsa aminadong fan ni Medyo Maldito ug snake princess.

"Isip first timer ni Medyo Maldito okay na gani kaayo iyang acting. Hopefully, for the next project mag gym siya...ug mag-workshop." Matud ni Kris Sialana.

Dugang panawagan sa mga cast nga suportahan ang pelikula kay daghan ang makarelate niini labina dili lang alang sa naghinigugmaay apan pangpamilya.


VIEW COMMENTS