SECTIONS
Monday , June 18, 2018

Buzzer-beater ni Babate

NAKALINGKAWAS ang Cagayan de Oro (CdeO) Petron All-Stars kontra sa NBTC regional All-Stars agi sa 77-75 kulbahinam nga daug atol sa SM NBTC Northern Mindanao Regional All-Stars exhibition game niadtong Miyerkules sa Xavier University gym.

Nibida si Stephen Babate sa kadaogan sa CdeO All-Stars human gikonektar niya ang buzzer-beater lay-up aron dal-on ang Petron sa hingpit nga daug.

Nitala si Babate, kinsa ang center-forward sa Sacred Heart of Jesus Montessori School, og 21 puntos, samtang niabag sila Luc Ashton Artazo ug Christian Hosain og 12 ug siyam ka marka.

Nag-abot og dikit nga panagsangka ang Petron ug NBTC regional All-Stars sa tanan quarters.

Nakainat ang NBTC All-Stars sa ilang kinataas nga labaw nga 10 puntos sa second quarter, 27-17, apan wala mabuylohan nila ug nibalik lang sa singkit nga panagengkwentro.

Sa kulbahinam nga fourth quarter, nilabaw ang NBTC og upat ka puntos nga labaw sa kapin minuto nabilin sa iskor 75-71.

Kalit lang napilit ang regional All-Stars human gitagaan nila ang Petron moapas.

Naputol ang biya ngadto sa duha agi sa lay-up ni Artazo ug natabla pa gyud sa 75-tanan agi sa off-the-glass shot ni Paul Bontao sa 13 segundos nabilin.

Naay tsansa modaug ang NBTC All-Stars sa kataposang play nila, apan nabuhian ni Jovanne Jacutin ang bola ug nahatag kang Hosain sa lima ka segundos nabilin.

Kalit lang kini gipasa kang Babate ug gidagan ngadto sa ring aron ang daug.

Mabutang sab ang panagsangka isip panag-abot sa female coaches, gilangkoban nila Catrina Pong-Biongcog, Camille Casiño ug Janeth Yañez, kontra sa mga lalaking coaches nga sila Brande ug Gilby Martinez ug Ken Casiño.

“Double-whammy nga kadaogan sa amo kababahian kay women’s month celebration sab karong bulana ug amo kini dedikar sa tanang kababahian,” ingon ni Pong, usa ka Jr. NBA Philippines coach ug president sa Cagayan de Oro Women’s Basketball League.

Mismo si commissioner Arvin Martinez nakaingon nga nagkaseryuso ang coaching staff sa NBTC All-Stars tungod sa dikit nga panagsangka.


VIEW COMMENTS