SECTIONS
Tuesday , June 19, 2018

MOPJ gisulod sa drug enforcement

WALAY ginadili nga druga ang nakuha sa City Drug Enforcement Unit (CDEU) atol sa Oplan Galugad nga gikasa sulod sa Misamis Oriental Provincial Jail (MOPJ) sa Corrales St-Luna streets, dakbayan sa Cagayan de Oro.

Gibutyag ni Police Chief Inspector Maricris Mulat, hepe sa CDEU, nga nalipay siya nga walay nakuha nga mga ginadili nga druga nga maoy tumong sa ilang pagalugad.

Nagpasabot kini nga seryoso ang pipila sa programang plea bargaining nga mahatagan sila og kahigayona nga makagawas og dali kon wala nay gibuhat nga ginadili ug dili magpositibo sa druga.

"Sa akong tan-aw nga masayang ang gi-grant nga plea bargaining kon makita sab nga nagpositibo sila sa druga mao nga nalipay kita nga walay nakuha kanila." Matud ni Mulat sa mga tigbalita.

Hinuon nakuha ang pipila ka mga kontrabando sama sa mga gagmay’ng kutsilyo, blade, celphone, kutsara, tinidor, ug uban pa.

Apan una na nga gibutyag ni MOPJ Warden Dominador Tagarda nga sagad kanila adunay mga kutsilyo kay aduna man silay carvings nga gahimoun alang niining proyekto ug pagpamaligya og trophy nga gama sa kahoy.

Sa pagkakaron daw kuhaon na kining mga kutsilyo kanila og kon tingbuhat na og trophy ug uban pa usa ihatag kanila. (SVB)


VIEW COMMENTS