SECTIONS
Wednesday , June 20, 2018

Utang baylo sa pagkalalaki

NAGPATALA ang usa ka ulitawo human nga gihulga kining dauton sa social media ug gitunglo pa kung dili niini ihatag ang kaugalingon baylo sa iyang utang.

Nidangop sa kapulisan ang biktima nga si John (dili tinuod nga ngalan), 24, ulitawo ug residente sa Barangay Carmen, dakbayan sa Cagayan de Oro human nga gihulga sa usa ka naila lamang nga si Elizer (bansagon gitago), 42, ulitawo ug residente sa susama nga Barangay.

Sa impormasiyon gikan sa kapulisan, nasayran nga nabalaka ang usa ka estudyante sa usa ka tunghaan ning dakbayan human nga nakadawat og mensahe gikan sa suspetsado nga nanghulga kaniya ug nanunglo apan giingong wad-on ang tanang kasuko kung ugaling itugyan niini ang iyang pagkalalaki.

Sa mensahe nga nadawat, miingon pa kini nga “Maghulat ka sa akong buhaton, madisgrasya pa unta ka, masakit pa jud, pakaulawan taka sa facebook ug Barangay kon dili nimo mauli ang akong natabang sa imo nga P4,000. Kong ihatag nimo sa ako imong pagkalalaki, walaon na nako akong kasuko sa imo, mobalik na ka sa normal sa pag Student assistance sa akoa ug mag declared ko og losses sa laboratory para ma hold ka,” hinungdan sa grabe nga kabalaka sa maong batan-on kinsa giingong estudyante sa maong tunghaan.

Wala na usab mabutyag sa batan-on kung nganong grabe ang kasuko niini sa kanhi gitrabaho-an.

Nasayran nga ang insidente ang nakatala na sa buhatan sa kapolisan ug giduso na usab sa presidente sa tunghaan.


VIEW COMMENTS