SECTIONS
Tuesday , June 19, 2018

Lalaki nasumhan sa kaipon gimumo

GIMUMO sa usa ka lalaki ang dagway sa kaipon ug gi-maltrato human nasumhan na sa ilang panag-uban niadtong milabay nga adlaw sa Barangay Tipolohon, Barangay Camaman-an, dakbayan sa Cagayan de Oro.

Bun-og sa dagway ni Maricel (bansagon gitago), 26, human kini gi-maltrato sa iyang kaipon nga si Larry Samonlay, 26 ug pulos residente sa nahisgutang dapit.

Sa nahipos nga impormasiyon gikan sa kapulisan sa Police Station 2 (PS2) sa Cogon, gikabutyag nga gidala sa tinugyanan sa nahisgutang dapit ilabi na sa mga peacekeeper ang suspek human nga gimaltrato ang kaipon dili lamang sa pisikal apan lakip sa emosiyonal nga aspeto.

Giingong niadtong higayona, gisumbag ang tiyan niini ug ginuno pa sa salog ang iyang dagway ug gihapak. Gidugang pa nga kanunay na matud pa kining gina-ingnan sa suspek nga wala’y pulos ug makakita pa kini og laing babaye nga ipuli kaniya.

Wala usab gikabutyag sa biktima kung nganong grabe ang kasuko sa kaipon apan gikasakit niini ang pagpanakit kaniya sa iyang kaipon ilabi na kung ingnon kining wala’y pulos ug ilisan og lain.

Sa pagsulat niini nga balita, nagtingkagol na sa mini-cell sa PS2 ang suspetsado samtang nagpaalim pa sa mga naangkon nga bun-og ang biktima.


VIEW COMMENTS