SECTIONS
Wednesday , June 20, 2018

4 sakop sa Highway Patrol Group sikop sa ‘pangilkil’

DAKPAN sa entrapment operation ang upat ka mga sakop sa Highway Patrol Group (HPG)-Northern Mindanao human aktong nangilkil niadtong alas 6:15 sa gabii Miyerkules, Marso 7, sa dakbayan sa Iligan.

Ang operasyon gihimo mismo sa Counter Intelligence Task Force sa Iligan City Police Office batok sa mga personahe sa Regional Highway Patrol Unit (RHPU)-Iligan City Highway Patrol Team (ICHPT).

Ang operasyon miresulta sa pagkasikop human midawat og kantidad nga P3,000 marked money gikan sa usa ka driver sa usa ka sakyanan nga ilang giisyuhan og traffic citation.

Dakpan sa operasyon mao sila si Police Senior Inspector Rolando Rigat; Senior Police Officer 2 Crisanto Bernardo; Mac Harver Abad kinsa usa ka HPG Civillian Auxillary, ug Sidney Cañete.

Gibutyag ni Police Senior Superintendent Leony Roy Ga, kinsa city director sa Iligan City Police Office, nga ang marked money nakuha gikan sa pansayan sa buhatan ni Ragat kinsa maoy chief sa ICHPT nga ilabay na unta niini dihang namatikdan ang presensya sa team.

Dugang ni Ga nga nakuha og lakip ang nagkalain laing denominasyon nga moabot sa P5,000 ang narekober gikan sa drawer sa hepe.

Nag-ugat ang operasyon dihang pipila na ang mireklamong mga motorista kalabot niini ngadto sa Citizens Complaint Hotline, 8888 sa buhatan ni Presidente Rodrigo Duterte ug gimandoan ang Iligan nga aksyonan kini sa labing daling panahon.

Ang mga motorista mihatag og inpormasyo nga kadtong gaagian sa dalan sa Macapagal Highway sa Iligan City ang mga personahe sa RHPU-Northern Mindanao, ICHPT nga sakay sa RHPU-Northern Mindanao Mobile Car adunay body no. 1003 ang giingong gaoangilkil sa mga motorista nga adunay mga bayolasyon.

Matud ni Ga nga taliwala nga gapaningkamot ang kapulisan uban sa gobyerno nga mawala kining gapangilkil ug korap nga opisyal aduna gihapon gapabilin sa ilang naandan nga binuhatan ug iya kining gikadismaya og dako.

Ang arestadong mga personahe ang giproseso na karon sa Iligan City Police Office alang sa criminal ug administrative nga kaso.


VIEW COMMENTS