SECTIONS
Friday , June 22, 2018

Heartline: Di madawat ang anak

DEAR Heartline,

Ako diay si Ghea, 31 years old, taga Sta. Cruz. Patambag lang unta ko mam. Usa ko ka single mother ug may lima ka anak. Unya naa pud koy bag-ong ka-live in karon ug may usa mi ka anak. Ang problema kay murag dili man niya madawat ang lima nako ka anak sa una nakong kaipon. Naglibog ko unsaon nako siya pagpasabot nga gusto unta nako kuhaon ang lima nako ka anak sa akong mama. Tambagi ug tabangi ko mam.

Ghea

*****

Hi Ghea,

Sa sugod pa lang sa inyong relasyon, mas maayong gipasabot nimo siya daan sa imong kahimtang ug sitwasyon.

Mas maayong sayod siya daan sa imong kaagi lakip na sa imong lima ka anak.

Ikaw, isip inahan, sa panahon nga misud ka sa laing relasyon, usa gyud sa imong konsiderasyon mao nga ang lalaking imong ubanan is dawat dili lamang ang imong kaagi sa kinabuhi, apan lakip na sab ang imong anak.

To be honest lisud gyud kaayo makakita og mga sama niini nga lalaki, apan sa tinuod nga gugma way imposible.

Pakig-istoryahi ang imong karelasyon sa imong tumong ug plano. Kung mahal ka niya, masabtan niya ang tanan.

If ever man nga di gyud niya madawat ang lima nimo ka anak, then, alang kanako, he is not the worthy one for you.

Ang mas maayo gani unta nga karon kamo naman ang magka-ipon, siya unta magsilbing 'amahan' ngadto sa lima nimo ka anak.

Nga ipakita niya ang ehemplo isip amahan nga nahikaw ngadto sa imong mga anak.

Kung magmahal kita it should be kinatibuk-an, di ng may kondisyon nga usahay moabot pa sa puntong mamili ka, which is not good.


VIEW COMMENTS