SECTIONS
Wednesday , June 20, 2018

Kandidato sa barangay elections ipa-drug test

ANDAM ang Philippine Drug Enforcement Agency (PDEA) Davao Region kung isugyot sa Commission on Elections (Comelec) nga ipailawom sa random drug test ang mga mokandidato sa 2018 barangay elections.

Kini ang gibutyag ni PDEA-Davao director retired Senior Supt. Antonio Rivera human ilang nasikop ang usa ka barangay kawagad sa Panabo City atol sa ilang buy-bust operation niadtong Pebrero 27, 2018.

"Ready mi kung dunay himuong random drug test sa mga mokandidato karong 2018 barangay elections para maseguro gyud nato nga wa ni sila malambigit sa paggamit og ilegal nga druga," ingon ni Rivera.

Sa bahin sa Comelec-Davao, giingon ni Atty. Omar Samama, spokesperson sa Comelec-11, nga magpaabot sila sa guidelines aron mahimo kining usa sa mga resiketos sa pag-fill sa ilang Certificate of Candidacy (COC).

Ang filing sa COC alang sa Barangay ug SK elections matigayon karong Abril 14 hangtud Abril 20 diin mahitabo ang eleksyon karong Mayo 14, 2018.


VIEW COMMENTS