Migallen: El Presidente haom pagka PSC chair

SA niaging semana atong gihisgutan dinhi ang kalabot sa pen­ding suspension ni Philippine Sports Commission (PSC) chair­man William “Butch” Ra­mirez sa buhatan sa Ombuds­man nga maoy posibling ma­kapa­usab na unya sa kamada sa pinakataas nga sports agency sa nasod.

Ang pagsuspenso ni Rami­rez nagagumikan niadtong pa­nahon pa sa administration ni Presidente Gloria Arroyo diin iyang giaprobahan ang pagkuha sa serbisyo sa usa ka security agency nga wa moagi og bidding.

Giingon nga ning pipila ka mga adlaw ipatuman na sa Ombudsman ang suspension.

Atong gitino sa niaging adlaw kon unsa ka tinuod kon niasumir na ba si commissioner Ramon “El Presidente” Fernandez pagka chairman sa PSC human giingon nga nagsugod na ang suspension ni Ramirez.

Wa mokompirmar si Fernandez kalabot niini, pero sigon sa atong tinubdan nga nag-leave na diay si Ramirez ug posibli nga masumpay na kini sa iyang tulo ka buwan nga pagkasuspenso.

Nitumaw usab ang mga pangagpas nga posibling dili na kini makabalik pa kay itudlo kini og laing position ni Presidente Rodrigo Duterte.

So kon kini matinuod, kinsa may acting chairman o mapuli nga chairman sa PSC?

Ang tinubdan nagkanayon nga sa pagkakaron nagkasinabot ang mga commissioners nga magpulipuli lang sila og assume og responsabilidad sa chairmanship, depende kon kinsay available.

Pero akong masabot nga kini temporaryo lang kay alang kanako sensitibo usab kini nga ahensiya.

Kinahanglan aduna gyuy usa ka lider nga molingkod niini aron dili magbaton og kalibog ang mga atleta ilabi na og dunay dinalian nga panginahanglan.

Hinumdomi nga ang PSC maoy pinakadako nga ahensiya sa natad sa sports sa tibuok nasod ug aduna kini halapad nga hurisdiksiyon.

Mao nga importanti gyud nga anaay molingkod pagka chairman aron way kalibog nga motumaw.

Apan ang pangutana kinsa man lagi ni? Natural lang kanang anaa sa ilang grupo og kanang gikasaligan sa Presidente.

Dili kay sa pagbaliwala sa nahimo sa ubang mga com­mis­sioners, apan alang kana­ko di nato malalis ang impresibong gipakita ni Fernandez nga makapahaom kaniya sa maong puwesto.

Walay lama sa panerbisyo sa gobiyerno, adunay kaisog, ligdong, ilado ug maantigo.

Uban sa suporta sa iyang kaubanan, dako ang akong pagtuo, nga si Fernandez dakog matampos natad sa paugnat sa kusog sa nasod.

Pick up the pisces, El Pre­sidente. (junmigs0622@yahoo.com)