SECTIONS
Monday , June 25, 2018

NFA mopalit og 6 milyones sakong palay sa mag-uuma

ANG National Food Authority (NFA) andam na sa ilang pundo ug personahe sa pagpamalit og palay sa ting-ani aron dunay pundong bugas gikan Marso ngadto Mayo.

Si NFA administrator Jason Aquino nagkanayon nga ang ahensya makapukos sa logistics, funds ug personnel sa agrisibong pagpamalit og human sa pagsugod sa ting-ani sa lugar.

Sayo sa Enero, ang pundo sa pagpalit og humay gi-remit na sa mga lugar gilauman nga daghan og ani sama sa Iloilo, Aklan, Bukidnon, La Union, Bulacan, Pampanga, Bataan, Batangas, San Jose ug Mamburao sa Mindoro Occidental, Sultan Kudarat ug lain pang lugar sa Mindanao.

Ang ahensya nagplano nga mag-deploy og teams sa mga layong lugar nga direktang mopalit og humay sa mga nag-uma.

Sila gihatagan og instruksyon nga mopalit og presko nga humay una ibuwad ug galingon sa NPA provincial ug regional office.

Halos tanang NFA provincial offices ug katunga sa ilang buying stations sa tibuok nasud dunay mechanical driers ug solar drying nga pasilidad.

Tanang NFA buying stations abli usab sa tibuok ting ani.

Si Aquino nagkanayo nga ang NFA nagpasayon sa mag-uuma nga mobaligya sa ilang humay ngadto sa ahensya pinaagi sa pagpasayon sa ilang proseso.

Sa mga di delikadong lugar, ang NFA mobayad dayon sa maong adlaw.

Ang NFA mopalit sa basa nga palay sa presyong P17.00 matag kilo ug ang paugahon nga dunay dugang P0.20 – P0.50 matag kilo sa delivery incentive.

Sa mga farmer organizations dunay dugang P0.30 matag kilo ang ihatag isip cooperative development incentive fee.

Sa tuig 2018, ang NFA nagtinguha nga mopalit og 6 milyones ka sakong palay aron daghan na og pundo ang gobyerno. (PR)


VIEW COMMENTS