2 ang gipatay sa riding in tandem

DUHA ka mga lalake ang nangamatay sa managlahing mga dapit sa Metro Cebu human pamusila sa riding in tandem kun mga tawo nga nag-angkasay sa motorsiklo.

Sa siyudad sa Sugbo, lalake nga nakig-estorya sa iyang uyab nga batan-on kilid sa karsada, gipusil patay sa nagmotorsiklo pasado alas 2 kagahapon sa hapon sa C. Padilla street, Barangay San Nicolas Proper.

Ang biktima giila sa iyang mga anak nga si Niño Tañajora, 34, taga Basak Pardo giingong surrenderer sa Op­­lan Tokhang sa kapulisan ug giingong nabilanggo na sa Cebu City Jail sa kaso bahin sa illegal nga drugas.

Matod ni SPO1 Winston Ybañez, imbestigador sa Ho­micide Section sa Cebu City Police Office, nga samtang nag-istoryahay sila sa iyang uyab nga si Wesley Gamboa nga nagpuyo ra usab sa duol sa nahitaboan, kalit nga niabot ang duha ka mga tawo nga luwan sa motorsiklo diin ang angkas nipusil kang Tanajora.

Personal grudge ang ilang gitan-aw sa maong pagpa­musil sanglit dako ang posibilidad nga may kalabotan sa iyang pagpakigrelasyon kang Gamboa.

Ipatawag sa Homicide si Gamboa tungod kay siya lang ang nakasaksi sa hitabo.

“Duha atong gitan-aw ani, personal grudge ug love triangle kay naa man gud iyang uyab nga batan-on iyang gika estorya. So, mao na atong subayon sa uyab aning biktima,” matod ni Ybañez.

Si Tañajora adunay lima ka mga anak sa asawa apan gii­ngong anaa na sa iyang uga­ngan human nagkabuwag.

Ilang subayon ang kuha sa CCTV camera sa dapit alang sa pag-ila sa mga mamumuno.

Traysikol drayber

Samtang traysikol drayber gipusil-patay sa riding-in-tandem sa Sitio Latasan, Brgy. Labogon, dakbayan sa Mandaue kagahapon sa kaadlawon.

Giila ang biktima nga si Leonardo Dalaguit, 33, taga Sitio Tuburan, Barangay Labogon sa dakbayan.

Si Dalaguit mao nay ikaupat nga biktima sa pagpa­musil-patay sa dakbayan ning semanaha ug sukad nga hugot nga gipatuman sa Mandaue ang ordinansa pagdili sa bonnet/balaclava kon magmotor.

Ang mga killer sa tulo sa upat ka mga insidente sa pagpamusil pulos riding-in-tandem ug padayong giila pa sa kapulisan.

Tulo sa upat sab ka mga biktima nalambigit sa illegal nga drugas (ex-convict nunot sa drug case, drug personality, drug surrenderee).

Si Dalaguit gipusil-patay samtang nagmaneho sa iyang traysikol pasado ala 1 sa kaadlawon kagahapon.

Base sa imbestigasyon ni PO2 Jenus Capangpangan nga si Dalaguit namasahero pa atol sa insidente.

Sa iyang pag-park sa Sitio Latasan, kalit nga niabot ang mga killer nga nagmotor ug na­musil sa biktima sa nagkadai­yang parte sa iyang lawas hinungdan sa iyang kamatayon.

Gidali pa og tabang sa awtoridad si Dalaguit, apan namatay.

Nasuta sa Superbalita Cebu nga kanhi surrenderer si Dalaguit sa kapulisan nunot sa kalambigitan niini sa drugas niadtong 2016.

Niadtong Biyernes sa kaadlawon, usa ka 47 anyos nga drug personality ang gituktok sa riding-in-tandem, ug gipusil-patay sa iyang balay sa Villa Fatima, Sudlon, Maguikay sa dakbayan.

Niadtong Huwebes sa gabii, patay ang usa ka lalake human gipusil sa tiyan, dughan ug ilong sa may Cebu International Convention Center sa Brgy. Guizo.

Giila ang biktima nga si Eric Manzo, 30, kanhi nadakpan tungod sa kasong zSelos maoy gitumbok nga rason sa pagpamusil.

Niadtong Miyerkules, ang kan­­­hi ex-convict ang gipusil sud mis­mo sa iyang tindahan sa Con­suelo Village, Brgy. Basak.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph