MANILA- Sikat karon ang mag-utol nga Marco ug Michelle Gumabao. Pareho silang nagpakitang gilas sa ilang gipiling career.
Si Marco, isip modelo ug actor, kusog ang impact sa iyang Bench Perfume commercial. Siya karon ang giingong Modernong Adonis samtang si Michelle, usa ka sikat nga professional volleyball player ug beauty queen. Mga anak sila sa actor nga si Dennis Roldan.
Nag-inusarang lalaki si Marco sa pamilya ug medyo conservative ang iyang mga igsuong babaye. Kon adunay bag-ong girlfriend si Marco, dili na niya ipaila-ila sa iyang mga igsuon tungod kay may experience na siya nga sa dihang gipaila-ila niya ang iyang gf niadto, may mga negative comments ang iyang mga manang sa iyang uyab.
Pero sa dihang nagka-boyfriend si Michelle, ang older sisters lang nila ang nanghimbis ug wa moapil si Marco.
Usa ka gym owner ang boyfriend ni Michelle (Panlilio ang surname) nga sa tan-aw ko gikan sad sa buena familia kay ang mga Panlilio ilado as jewelers.
A few days after makoronahan si Michelle, niduwa dayon siya sa iyang team (Creamline) ug nidaug sila.
Dako ang pasalamat ni Michelle tungod kay gitugutan siya sa mga bossing niya sa Volleyball to join Binibining Pilipinas ug wa sila magmahay tungod kay may nakuhang korona si Michelle isip Bb. Pilipinas-Globe.
Sa usa ka interview, nasulti ni Michelle nga nag-set siya ug record. Siya kuno ang kinaunhang volleyball player nga nahimong beauty queen.
Ang akong nahinumdoman si Gem Padilla, ang Bb. Pilipinas-Universe 1990 winner, usa sad ka volleyball /basketball player. Siguro, sa school lang volleyball/basketball varsity player si Gem apan si Michelle professional volleyball player jud.
Anyway, pustahan ta, magiging precedent ang kadaugan ni Michelle. For sure more athletes will join beauty contests in the years to come, parang Pia Wurtzbach lang yan na uso na karon ang pagsalmot sa Bb. Pilipinas na pabalik-balik. This year may nidaug sad nga 3 years na sad naging contestant ug sa katapusan nidaug na, si Jehza Mae Huelar nga gikoronahang Bb. Pilipinas-Supranational. Taga Davao si Jehza nga engaged na sa usa ka PBA player.