BISAN kon wa pay usa ka buwan sukad gidakop, ipa-release ni Mayor Tomas Osmeña ang gatusan ka mga sakyanan nga giimpound sa Cebu City Transportation Office (CCTO) gumikan sa pag-counterflow.
Apan ang mayor nibutyag nga di niya iapil sa pag-release ang usa ka bus ug kadtong mga sakyanan (apil motorsiklo) nga adunay pending violation sa CCTO.
“I will just let them go maybe in a few days time with a very clear warning. You know I mean business. If I catch you again, it will be 60 days or longer,”padayag ni Osmeña.
Kon ilang bayran ang penalty sa pending traffic violation, iapil sa mayor pag-release ang ilang mga unit kay iyang gihulagway nga nakat-on na ang mga driver subay sa iyang gipakanaog nga EO 034.
“So far, a reading had been released and there is no case of second offense. That means nakat-on na gyud sila. I don’t like punishing people but they have to learn their lesson,” paghulagway ni Osmeña.
Sa sukad ni-release ang CCTO sa unang batch niadtong unang semana sa Marso, ang CCTO nakadakop og laing 408 ka motorsiklo, 22 jeepneys, 27 private vehicles, unom ka truck ug usa ka bus. Apan gipadayag ni Osmeña nga magpadayon ang operasyon sa CCTO may labot sa EO-034 aron pagpadayon sa kahapsay sa dagan sa mga sakyanan nga luwas gikan sa mga mo-counterflow nga adunay silot nga 30 ka adlaw nga pagka-impound. Ang mga nadakpan mobayad og P500 isip penalty samtang gilibre sa City Hall ang storage fee sa na-impound sa counterflow kun P233,500 sa kinatibuk-an.